الفقير في زمانا ‏

الفقير في زمانا ‏
العدد بالملايين
يبتسم رغم ظروفه
ما تلقيه حزين
البطن دايما خالي
نفسه في البروتين
يصور ِجنب اللحمه
ويقول ياليل ياعين
متى يجي الأضحى
ويسعد كل حزين
الفقير في زمانا
البرد مش صديقه
نفسه يلبس تقيل
مش قادر يبلع ريقه
الفقير في زمانا
دايما ياناس مظلوم
عايش ومش عايش
من كل شيء محروم‏
من شدة جوعه يا ناس‏
تلاقيه بيحب الصوم
وعشان يهرب من جوعه
تلاقيه بيحب النوم
الفقير في زمانا
بيطبق القانون
لو شم في يوم بخور
يقولوا عليه أفيون
يقبض الباشا عليه
ويشرف في السجون
والباشا لما يبيع ‏
كوكايين او افيون
لو مسكوه بدليل
يقولو عليه كمون
الفقير في زمانا
بيبلغ سلامه
كل العالم ناسيه
زهق من كلامه
الفقر بيلعب بيه
يهرب يلاقيه قدامه
ودي رسالته يا ناس
مين يمسح أحزانه
بلاش كلام كتير
الكل عارف عنوانه